سندريلا الفلسطينية

سندريلا الفلسطينية
لبست الفسطان وراحت جري عالكصر وشافها الامير وحبها وركصو سوا وفجأة دكت الساعة
طنعش وجراي وصارت ترمح وترمح ووكعت ببوجها عالدرج...
سندريلا راحت عالبيت واتمنت لو انو الساعة ما دكتش على الطنعش, بس شو تسوي بحظها المشحر
متل حظ هاظا الشعب.
الامير حط فردة البابوج على مخدة يمكن لونها زركة او نهدة المهم صار ينادي بالصوت على كل
البنات عشان يكسن البابوج كسن كل البنات الا سندريلا...
سندريلا نزلت على الساحة ومعها فردة البابوج وحطتها على المخدة الي عليها الفردة التانية ولما كربت
عشان تكيسها ضربها الامير كف وحكالها: وين جاي ياما.
حكتلو: يقطع وجهك ما ازنخك مش شايفني بدي أكيس البابوج.
حكالها: وحدة متلك كيف بدها تكون فلكة الكمر هديك.
حكتلو: هسا بفرجيك واحط على عينكز
ولما اجت تكيسها ما طلعت كد اجرها لأنها كانت ورمانة من كتر الشغل
وياحرام ما حدا صدكها وانجنت المشحرة ودارت في الشوارع
والامير اتزوج غيرها وحكى: لوينتا بدي اظل ادور عليها الله لايردها هي الخسرانة.

مع تحيات عاشق القلوب

أحله قصة بسمعها بحياتي قصصك خرافية